Triunfo do noso Sénior "in extremis".
O pasado domingo o noso equipo sénior recibiu á S.D. Agolada para desputa-la xornada 28.
Os nosos dominaron o xogo na primeira parte, pero foi o equipo visitante o primeiro en golpear despois dun remate nun saque dende o curruncho no segundo pao, sen moita oposición. A poucos minutos de finaliza-lo primeiro tempo Fabri aproveitou un rechace do porteiro  contrario despois dun disparo dende fóra da área para poñe-lo 1-1 no marcador. Na segunda parte do partido ambos equipos basaron o seu ataque en golpeos a campo contrario. O noso equipo tivo unha gran ocasión para poñerse por diante no marcador, pero o porteiro da S.D. Agolada negoulle o tanto dende os 11 metros a Rachi. No tempo de engadido Julito puxo un gran centro ao segundo pao que Rachi aproveitou para resarcirse, e poñe-lo 2-1 e conseguir que os tres puntos quedasen na Mahía.